Izgledalo je da je to trka udvoje, ali borba za titulu u Seriji A ima još jednog jakog kandidata – Atalantu.
“Boginja” je ostala na minus tri od lidera Intera, kao i dva od drugoplasiranog Napolija, nakon što je ponizila Juventus u Torinu.
Slavila je 4:0 u duelu 3. i 4. ekipe na tabeli u kojem je stvorila desetak velikih šansi za gol i u kojem je “stara dama” čak i dobro prošla.
Retegi je u 29. minutu iz penala donio prednost timu iz Bergama, a početkom drugog dijela se upisao i De Ron. Kasnije su mrežu Juvea tresli i Zapakosta i Lukman pa je Atalanta na brojci od 63 data gola u ligi ove sezone. Toliko ima i Inter…
Juve je u ovom debaklu pokazao da nije bilo realno kada su ga mediji iz Italije vidjeli kao kandidata za Skudeto, pa je sada na minus devet u odnosu na lidera.
Izvor: cdm.me
